എന്‍റെ കൂട്ടുകാര്‍

പോസ്റ്റുകള്‍ ഇമെയിലില്‍ കിട്ടാന്‍

Thursday, February 11, 2010

റിഫ്ളക്സ്സാക്ഷന്‍




ഇലകളില്‍
ഇരുള്‍ വെന്തു തുടങ്ങി.

ജനലഴികള്‍ വരെ വളര്‍ന്ന
ഒരു ബോണ്‍സായി
പെട്ടെന്നനാഥനായി.

ചെറുമരങ്ങള്‍ പറഞ്ഞു
ഞങ്ങടെ വിശപ്പാറിയില്ല സൂര്യാ...
നെറുകയില്‍ തൊട്ടു തലോടി
നിന്നിരുന്നതാണല്ലൊ നീ
ആരോടും പറയാതെ
പെട്ടെന്ന്..
ഈ നട്ടുച്ചയെ കെടുത്തിവച്ച്‌....

ലാവകള്‍ കിനിഞ്ഞു കിനിഞ്ഞ്‌
മുഴക്കത്തോടെ ഒരു പര്‍വ്വതം
പൊട്ടിക്കരയുന്നത്‌ നീ കണ്ടോ...

ലാവക്കുഞ്ഞുങ്ങള്‍ക്ക്‌
നിന്‍റെ അതേ ഛായ
അതേ രൂപം
ഞങ്ങടെ വാക്കുകളില്‍
അവ വന്ന് ആളി നിവരുന്നത്‌
നീ കാണുന്നുണ്ടൊ...
ഹേ സൂര്യാ...


* അകാലത്തില്‍ മരണമടഞ്ഞ മുംബൈ സാഹിത്യ സാംസ്കാരിക മണ്ഡലത്തിലെ തേജസ്സാര്‍ന്ന വ്യക്തിത്വം ശ്രീ സി. വി. ശശീന്ദ്രന്‍റെ ഓര്‍മ്മക്ക്‌.
Related Posts Plugin for WordPress, Blogger...